«Адыгэ Республикэм и Iэтащхьэу хахар и къулыкъум пэрыувэхукIэ, Адыгэ Республикэм и Iэтащхьэм и къалэнхэр пIалъэкIэ игъэзэщIэну гъэувын КумпIыл Мурат Къэралбий и къуэр», — итщ къыщащта махуэм щегъэжьауэ къару зыгъуэта Указым.

Нэхъ пасэу Путин Владимир арэзы техъуащ республикэм и Iэтащхьэу лэжьа ТхьэкIушынэ Аслъэнджэрий щыIущIам ар и къулыкъум текIыным теухуауэ зыщIэлъэIуам. Къэралым и унафэщIым апхуэдэуи диIыгъащ а къулыкъум Адыгейм и Парламентым и УнафэщI КумпIыл Мурат гъэувыным теухуауэ ТхьэкIушынэм къыхилъхьа жэрдэмыр.

ТхьэкIушынэ Аслъэнджэрий республикэм и Iэтащ-хьэ къулыкъум пэрытащ 2007 гъэм къыщыщIэдзауэ. 2012 гъэм абы дзыхь ирагъэзауэ щытащ ар а къулыкъум 2017 гъэм щIышылэм и 13-м нэсыху пэрытыну.
КумпIыл Мурат 2008 гъэм къыщыщIэдзауэ республикэм и Правительствэм и УнафэщIу лэжьащ, 2016 гъэм и бжьыхьэм Къэрал советым — Хасэм и тхьэмадэу ягъэувауэ щытащ.

Выпуск продукции осуществлен при финансовой поддержек Департамента средств массовой информации и рекламы города Москвы