Пшыхьым и зэпэщIэтыныгъэ нэхъыщ хьэу щытащ ММА лигэм и чемпион Купер Бреттрэ иригъэкIуэкIа зэIущIэхэм ящыщу зыми къыщыхамыгъэщIа, «Рамзан» спорт клубым зыщызыгъасэ ди лъэпкъэгъу Бырхьэм Мухьэмэдрэ яйр.

Мы спорт лIэужьыгъуэм дихьэххэм Купер къацIыхуащ урысей спортсмен цIэрыIуэ Шлеменкэ Александр дригъэкIуэкIа зэIущIэхэмкIэ. Псори зэхэту Купер зэIущIэ 35-рэ иригъэкIуэкIати, 23-м щытекIуащ, абыхэм ящыщу 15-м и хьэрхуэрэгъухэр нокауткIэ къриудащ.

Бырхьэм Мухьэмэд иригъэкIуэкIар зэрыхъур зэIущIэ 11 къудейщ. Абы къыпэщIэтым ебгъэрыкIуэурэ и лъэр щIеудри, алэрыб гъум щыхегъащIэ.
Зэхьэзэхуэ пшыхьым и кIэ дыдэм ягъэ Iэпхъуа Бырхьэмымрэ Куперрэ я зэIущIэм хуабжьу пэплъэрт къекIуэлIахэр. Iэгуауэш хуэкIэ кърагъэблэгъа ди лъэпкъэгъум зэпэ щIэтыныгъэр жыджэру къыщIидзащ икIи и хьэрхуэрэгъур зэрыцIэрыIуэм зыкIи къимыгъэдзыхэ адыгэ щIалэм и IэштIымыр абы тригъэлъалъэу хуежьащ.

Япэ Iыхьэм зым адрейм и зэуэкIэр зригъэщIауэ жыпIэ хъунущ. ЕтIуанэм зэрыщIидзэжрэ секунд бжыгъэ фIэкIа дэмыкIауэ Купер Бретт щIэщхъу къыщыщIащ. ПсынщIэу ебгъэ рыкIуэну яужь ихьа американ спортсменыр гъунэгъу къыщыхуэхъум Мухьэмэд абы и жьэпкъым техуэу еуащ икIи США-м и лIы кIуэр нокауткIэ къриудащ.

ММА лигэм и чемпион бгырыпхым къи щынэмыщIауэ, Шэшэным и япэ президент Кадыров Ахъмэт-хьэжы и фондым къы хэкIыу Кадыров Рамзан Бырхьэмым тыгъэ къыхуищIащ «Мерседес» автомобиль.

«Рамзан Ахматович, фIыщIэшхуэ пхузощI спортым зегъэужьыным хэлъхьэныгъэшхуэ зэрыхуэпщIым, уи лъэпкъэгъухэм я мызакъуэу, адрей лъэпкъхэм я спорт с менхэми дэIэпыкъуэгъу уазэрыхуэхъум папщIэ. Апхуэдэуи фIыщIэ яхузощI Къэбэрдей-Балъкъэрым къикIыу сытрагъэгушхуэну мыбы къэкIуахэми, къэмыкIуэфу я унэ щIэсу къыздэщIахэми! Фэ фыкъызэрыс къуэтым къару тIуащIэ къысхилъхьащ!», захуигъэзащ Бырхьэмым къызэхуэсахэм.

 

 

Жыласэ Замир