Шэрджэс къалэ дэт еджапIэ жьыдыдэ № 9-м иджы Хъупсырокъуэ Назир и цIэр зэрехьэ, жиIащ КъЧР республикэм и унафэщ1ым и пресс-службэм. Хъупсырокъуэ Назир еджапIэм и еджакIуэу щытащ, абы пэмыщIыу щытащ Назир цIыхубэ, государственнэ лэжьакIуэу. КъытхуиIуэхуащ Южнэ Федеральнэ округым и унафэщIым и пресс-службэм.

ФокIадэм и япэ махуэм екIуэкIащ лэжьыгъэ гъэщIэгъуэныр Хъупсырокъуэ Назир и фэеплъу ягъэува блыныр. Назир щытащ Урысей Федерацэм и унафэщIым и дэIэпыкъуэгъуу, Генпрокуратурэм и управленэм хэтащ. Фэеплъ блыныр еджапIэм и бжэIупэм и деж къызэIузыхар КъЧР-м и нэхъыщхьэ Темрезов Рашидрэ Назир ядэ Хъупсырокъуэ Хьызыррэ.

 «Хъупсырокъуэ назир щытащ интернационалистыу, фIыдыдэу ищIэт и лъэпкъым и тхыдэр, Ищхьэрэ кавказым и гукъеуэ псом зэрыхуэзэфIэкIыу хэлэжьыхьащ», жиIащ Темрезов Рашид, КъЧР-м и нэхъыщхьэм.

Назир ядэ Хъупсырокъуэ Хъызыр къэкIуа псоми фIыщIэ яхуищIащ и къуэм и фэеплъу блын лъапIэ зэрыхуагъэувам щхьэкIэ. Абы пэмыщIыу еджапIэм еджэ сабийхэм яжриIащ псалъэ дахэ - фIыуэ еджэныу, егъэджакIуэхэм захуигъазэри яжриIащ - «Упсэу» къажезыIэн сабий тхьэм къаритыныу!

НаIуэ фхуэтщIынщи, Хъупсырокъуэ Назир дунейм ехыжащ 2011 гъэм и щакIуэгъуэ мазэм, илъэс 60-м иту.