Адыгейм щыщ щIалэ Пономаренко Валерий къихьащ «домбеякъ» медаль паралимпиада щыIам Лондон и деж.

Фоч уэнымкIэ метрэ 25-м и жыжагъым Валерий ещанэ хъуащ. ЕтIуанэ увыпIэр къыхуигъэнащ урыс щIалэм Сергей Малышевым. Япэ увыпIэр къихьащ китайскэ спортсменым Ли Цзяньфэй.

«Валера япэ дыдэу фочкIэ щыуам къигъэлъэгъуа щIыкIэр фIытэкъым. Ар апхуэдэу щIэхъуар. Зэран къыхуэхъуауэ къыщIэкIынщ зэрыгузэвар. Игугъащ кIэлъыхьэжыну, хузэфIэкIакъым»,-къыжриIащ ди интернет-портал «Россия для всех» жыхуиIэм Валера къыдэлажьэ и тренерым Владимир Полухин.

НобэкIэ паралимпиадэм ди командэм ещанэ увыпIэр еIыгъ, Великобританием яужь. Дыщэ медалыу I6-м нэс яIэ, дыжьыныу-20, домбеякъ медылыу I3-щ. Япэ увыпIэр нобэкIэ зыIыгъыр- Китайращ, а къэралым и спортсменхэм дыщэ медалыу 46 къахьащ, дыжьыныу-3I, домбеякъ медалыу - 35.