Нэтынэ «Кавказым и хъыджэбз нэхъыфI дыдэ» зи цIэр мы махуэхэм яухащ трахыну КъЧР-м. Нэтынэр зэрызэхэтыр Леонид Гайдай и цIэрыIуэ кином ещхьыу, и фэеплъ хуэдэу трахынущ, ди интернет-портал «Россия для всех»-м къыжриIащ Режиссерым и дэIэпыкъуэгъу Панаитиди Инна.

«Нэтынэр зыкIи ещхькъым «Кавказская пленница» зи цIэ нэтынэм, жыпIэу щытмэ кинор зэрытраха щIыкIэр Ищхьэрэ кавказым ис лъэпкъхэм щхьэкIэ зыми Iей гуэр емыгупсысыну», жиIащ нэтынэм хэт актер Омаров Юсуп.

Юсуп пэмыщIыу нэхъыщхьэ роль зыIыгъыр Крюков Константин, Новикова Любовь итIанэ ЕвропэмкIэ щыщыу актриса. И цIэр иджыри хэIущIыIу ящIкъым.

Кинор здэтрахар Къэрэшей-Шэрджэс республикэм и щIыпIэ нэхъ дахэдыдэу иIэхэм: Архъыз, Тебэрды, Карачаевск, Гум-баши деж.

Нэтынэр зытепсэлъыхьынур иджыри зыми жыраIэкъым, сыту жыпIэмэ нэтынэм и режиссерым хэIущIыIу ищIыну ихуейкъым.

НобэкIэ дызыщыгъуазэр зыщ: Новикова Любовь и ролыр Кавказым щыщ хъыджэбз, ихуэмейуэ фIыуэ имылъагъум дэкIуэну. Крюков Константин - хамэ къэралым къикIа щIалэ, Кавказым фIыуэ тепсэлъыхъу зэи зэхэзымыха.

Япэ дыдэу нэтынэр ягъэлъэгъуэну щыхуейр мы гъэм и кIэращ. Нэтынэм хамэ къэралым щыщ актриса зэрыхэтым папщIэ ЕвропэмкIи ягъэлъэгъуну къыщIэкIынщ кинор.