Къэбэрдей-Балъкъэрым икIыу хьэжы макIуэр цIыху 312-м нэс, жиIащ Адыгэ щIэныгъэ Iуэху зезыхуэ фонд «Адыги» Къэлмыкъ Юрэ и цIэр зезыхьэм.

«Гупыр хьэзыр ноби кIуэну хьэжы, сыту жыпIэмэ визэ псоми къыратащ. Сирием зауэ щIекIуэкIым щхьэкIэ хьэжыщIхэр кхъухьлъатэкIэ лъэтэнущ, автобускIэ мыкIуэу, абы и пэкIэ зэрыкIуэу щытам хуэмыдэу», - жиIащ Дзасэжь Хьазрэт Али КъБР-м и дин Iуэхухэм и унафэщIым.

Молэ Дзасэжь Хьазрэт Али  жиIащ, Саудовская Аравиям илъэс къэс квотэ республики-6-м къызэрыритыр: КъБР-м, КъЧР-м, РСО-Аланием, Ставропольскэ крайм, Калмыкием. Мы гъэм квотэу 1200 къыдитащ Саудовскэ Аравием. Къэбэрдей-Балъкъэр закъуэм цIыху 350-м нэс хьэжы ящIыну яхуейт, ауэ къызылъысар цIыху 312-м.

Нэхъыжь дыдэу Къэбэрдей-Балъкъэрым икIынэ гупым хэтынур илъэс 90-м нос. И цIэр а лIыжьым Хъуран Амет, Малка къуажэм щыщ. Хьэжы зыщIыныу кIуэхэм хэтщ иджыри зэи хьэжы зымыщIа цIыху къуом.

Мы махуэхэм КъБР-м и дин Iуэхухэм и унафэ здащIым къэкIуэнухэщ таможеннэ службэм и лэжьакIуэхэр, хьэжы зыщIынухэм епсэлъэныу сыт пщIэми сыт умыщIэми хъунухэр. Жэпуэгъуэм и 15-м гупыр Минеральные Воды аэропортым кIуэнухэщ, абдеж кхъухьлъатэкIэ хьэжы ящIыну кIуэнухэщ мазэ псо хуэдизкIэ.

Хьэжы зыщIыну гупым и унафэщIыу щытынур КъБР-м и дин Iуэхухэм и унафэщIым и къуэдзэ Мисиров Хьызыр.