Шэрджэс къалэм и деж екIуэкIащ спортивнэ комплекс щэджащэм и зэIухыныгъэ. КъызэIуаха комплексым иIэщ универсальнэй спортивнэ зал.

Спортивнэ комплексыр къыщызэIуахам къеблэгъащ Урысей Федерацэм и унафэщIым и дэIэпыкъуэгъу СКФО регионым деж - Хлопонин Александр, КъЧР республикэм и унафэщI Темрезов Рашид, правительствэм и нэхъыщхьэхэр, Шэрджэс къалэм и нэхъыщхьэхэр, спортсменхэр, КЧГТА-м и егъэджакIуэхэмрэ еджакIуэхэмрэ.

Спортивнэ комплексыр зэтрагъэувэу щIадзащ 2007 гъэм «Единая Россия» партиям и целевой программэм къыхэкIыу.

Темрезов Рашидрэ спорт Iуэхухэр зэзыгъэзахуэ министерствэм и унафэщI  Мутко Виталийрэ зэрызэгурыIуамкIэ къызэIуаха спорткомплексыр хагъэхьэныу мурад ящIащ Федеральнэ целевой программэм «Урысейм и спортымрэ, физическэ зэухуэныгъэм и зыужьыныгъэр 2006-20I5 гъэхэм» зи цIэм.

Спорткомплексым и зэфIэгъэувэным ащхъэу къыхухахар щIегъу мелуан 40-м.

«Ди республикэр хуабжьыу пэплъэт нобэ мы къызэIутх спорткомплексым. Мы гъэм иджыри дыхуейщ мыбы ещхьыу иджыри спорткомплексищ зэтедгъэувэныу. Нобэ мы флъагъу спорткомплексыр, ауэ сытми спортивнэ унэкъым, атIэ ди республикэм куэд зэрыхузэфIэкIыр къегъэлъагъуэ. Си гугъэ хэсхкъым мы залым чемпион зыбжанэ зэрыщIэкIынур», жиIащ КъЧР-м и унафэщI Темрезов Рашид.

Комплексыр къызэIуихыныу хуитыныгъэ зыратар Урысей Федерацэм и унафэщIым и дэIэпыкъуэгъу СКФО регионым деж - Хлопонин Александр.

«Нобэ республикэм къыщыхъуа Iуэхугъуэр хуабжьыу хьэлэмэтщ. Сэ сощIэ мы республикэм махуэ къэс абы хуэдэ Iуэхугъуэ зыбжанэ къызэрыхъур, сыту жыпIэмэ хуэм хуомурэ республикэр зэфIуоувэ, зеужь. Зэтрагъэувэ сымаджэщ зыбжанэ, сабий IыгъыпIэ унэхэр. НобэкIэ зэтрагъэувэ иджыри зы спорткомплекс щэджащэ, сэ къызэрысщыхъумкIэ СКФО регионым нэхъ ин дыдэу щытынущ а комплексыр», - жиIащ Хлопонин Александр.

Абы адэкIэ Хлопонин щIигъужащ гугъэ зэрыхимыхыр, КъЧР-м щыпсэу щIалэгъуалэр хуабжь дыдэу Олимпийскэ джэгу Сочы деж екIуэкIынухэм зэрыхэтынум.

Спортивнэ комплекс къызэIуахар тегъэпсыхьащ цIыху 300-м нэс. Комплексым и площадым и инагъыр нос 4032 кв.м. И кIуэцIым щIэтщ волейбол, баскетбол, мини-футбол, гандбол, теннис уздэджэгу хъун щIыпIэхэр. Абы пэмыщIыу комплексым хэтщ тренажернэ зал (24 м х 5 м), итIанэ банэ здекIуэкI пэш (24 м х 18 м).

0

 

КъЧР-м и унафэщI - Темрезов Рашид, Урысей Федерацэм и унафэщIым и дэIэпыкъуэгъу СКФО регионым деж - Хлопонин Александр, региональнэ отделение «Единая Россия» партием и унафэщI Иванов Александр сымэ ират спорткомплексым и IункIыбзэр и нэхъыщхьэм - Кочкаров Руслан, СКТТА академием и ректор.