Шэрджэс деж щекIуэкIа депутат зэIущIэм хахащ иджыр гуэрым къалэм и унафэщI Тамбий Руслан. ЗэIущIэм и председатель Гъущокъуэ Иналь я нэхъыщхьэу депутатыу хъуам мыгупсысэу Тамбий Руслан хахыжащ, къитащ КъЧР-м и унафэщIым и сайтым.

НаIуэ фхуэтщIыжынщи, щIышылэ мазэм и 31-м Тамбий Руслан республикэм и къалащхьэм и унэфэщI IэнатIэр къигъанэри текIыжащ. Абы щыгъуэ Тамбий Руслан жиIар зыщ: сэ сыхэзыха депутатхэм и нэхъыбэр лэжьэжкъыми, щIэуэ къытехьахэм сыхахыу щытмэ, абы щыгъуэ сыкъэкIуэжынущ. Абы къинэмыщIауэ Тамбий Руслан депутатхэм захуигъазэри яжриIащ хэхыныгъэ ирагъэкIуэкIыу къалащхьэм и унафэщIыщIэ хахыныу 2017 гъэм нэс лэжьэныу.  

Къалащхьэм и унафэщIым и IэнатIэм ирагъэзыгъыныу хэплъэ ящIри цIыхуищI къыхахащ Тамбий Руслан пэмыщIыу - Трофимов Дмитрий, Прыгунова Ольгэ, Балабанов Виктор.

Гъуэщокъуэ Иналь зэIущIэр иухыным и пэкIэ жиIащ Тамбий Руслан зэфIэкI зэриIэр, абы къыхэкIкIэ къалащхьэр къигъэщIэрэщIэжащ.  

Тамбий Руслан къэхъуащ Шэрджэс къалэм щIышылэ мазэм и 16-м 1963 гъэм. 1985 гъэм къиухащ Ставропольскэ политическэ институтыр, 2002 гъэм къиухащ Краснодарскэ юридическэ институтыр. Къалащхьэм и унафэщI хъуным и пэкIэ Тамбий Руслан Къэрэшей-Шэрджэс республикэм и япэ вице-премьерыу щытащ.