Адыгей Республикэм и лъэпкъ музейм и выставкэр къызэIуахащ Сочы къалэ дэт Художественнэ музейм, къитащ Адыгей республикэм и сайт нэхъыщхьэм.

Выставкэр къыщызэIуахым щыгъуэ хэтащ Республикэм и Правительствэм хэтыу хъуар: Сочы къалэ и щIэныгъэ управленэм и нэхъыщхьэм и къуэдзэ Машинистова Еленэ, Адыгей республикэм и щIэнхабзэ Iуэхухэр зезыхуэ министерствэм и нэхъыщхьэ Баянова Лианэ, Сочы дэт художественнэ музейм и директор, Хрисанов Петр сымэ.

Выставкэм деж къыщагъэлъагъуэ экспанат 600-м нэс. А псор къагъуэтащ щIыр къыщатIым щыгъуэ, иныкъуэр дадэ-нанэхэм къащIэнауэ тхьэгъу, бгырыпх, къамэ, щIакIуэ. А псом здэщIэлъыр къинэмыщIауэ музейм деж пэш ин иIэщ нобэрей Адыгейр къэзыгъэлъагъуэ сурэт нэхъ фIэмылъыу.

 «Выставкэм яригъэлъэгъун хуейщ цIыхухэм  ди тхыдэм и лъэщагъыр. Абы къинэмыщIауэ ди тхыдэм и зы напэ къызэIуихынущ выставкэм. Яригъэлъэгъунущ цIыхухэм ди хъыбархэм я тхыдэр, я къэхъуныгъэр», - жиIащ Адыгей республикэм и унафэщI ТхьэкIущынэ Аслъэн.

Адыгейм мы зэракъым адыгэм и щIэнхабзэр дунейм зэрыригъэлъагъур, атIэ 2011 гъэм къэфакIуэ гуп «Нальмэс»-р хэтащ Урысейм япэ марафон екIуэкIам. 2012 гъэм къэфакIуэ гуп «Ислъамей»-р хэтащ етIуанэ марафоным, а зэман дыдэм Лондон деж къагъэлъагъуэуи.

«Традиционная культура адыгов» зи цIэ выставкэр екIуэкIынущ накъыгъэ мазэм и 20-м нэс Сочы къалэ деж.