Гъэ кIуам Ищхъэрэ Осетием щIалэгъуалэ гупым игъэхьэзыращ проектыщIэ «Нолым щIыщIэдзауэ мелуаным нэс» и цIэу. Проектым и къалэныу щытыр: дэтхэнэ еджакIуэми къыIырихын хуейт интервью Ищхъэрэ Кавказым цIыху цIэрыIуэу исыу хъуам – дохутырхэм, бизнесменхэм, республикэхэм я унафэщIхэм. Зэуэ жыпIэмэ – дэтхэнэ псоми и къэруукIэ IэнатIэ лъэщ къэзыгъуэтахэр.

ЗэIущIэм хэтахэщ Ищхъэрэ кавказым и дэтхэнэ республикэм къикIауэ щIалэгъуалэ гуп. Нэхъ жыджэру зэIущIэм хэтахэр КъЧР-м щыщхэращ.

«Дэ дыхуейщ икIэм и кIэжым зэхуэтхьэса тхыгъэхэр зы тхылъым ихьэныу, - щIалэгъуалэм Хлопонин Александр жраIащ. А тхылъ къыдэкIынумкIэ дыхуейщ ди ныбжьэгъухэм нэдгъэсыныу мы дунейм уи Iэм, е уи акъылым зыри имыщIэмэ узэрыхэкIуэдэжар. ЯгурыдгъэIуэныу дыхуейщ зыми ущымыгугъыу узэрыпсэун хуейр».

Къыхэгъэщыпхъэщ, КъБР-м и унафэщIыр проектым жыджэрыу зэрыкIэлъыплъым хуэдэ къабзэу КъЧР-м и унафэщIри хуабжьыу фIэгъэщIэгъуэнщ проектыщIэр. Сыту жыпIэмэ Темрезов Рашид куэд текIакъым а проектым елэжьхэм зэрыхуэзэрэ.

ЗэIущIэр екIуэкIащ дахэу, мамырыу. УпщIэ къаIэтауэ хъуар зыхуэгъэзатэр : дауэ нэхъ цIыху куэдым къащIа хъунуми апхуэдэ проект зэрыщыIэр ?