МафIэсыр къыщIэхъуам и щхьэусыгъуэу нэхъ зыхуагъэфащэр электричествэр зрикIуэ кIапсэр къызэрылыдарщ, ауэ Iуэхум хадзыркъым а IуэхущIапIэм мафIэ щIадзауэ къыщIэкIынкIэ зэрыхъунури. Хабзэхъумэ органхэм хуагъэуващ Iуэхур законым тету икIэщIыпIэкIэ зэхагъэкIыну.

Иджыпсту нэхъыщхьэ дыдэр, къыхигъэщхьэхукIащ КIуэкIуэ Юрий, зи мылъкур зыфIэкIуэда цIыхухэм икIэщIыпIэкIэ ядэIэпыкъунырщ. Апхуэдэхэр юридическэ IэнатIэу 136-рэ мэхъу. Зыри къыхэмынэжу мафIэм хисхьащ сату щIыпIэу 427-рэ.

Абы къыхэкIыу иджырей хабзэхэм, псом япэу — шынагъуэншагъэмкIэ хабзэхэм къезэгъ иджырей проект ямыгъэхьэзыру хъунукъым.
Нэхъ япэкIэ ди газетым зэрытетащи, республикэм и къалащхьэм дэт «Центральный» бэзэрым и павильонхэм ящыщ зым 2018 гъэм мэлыжьыхьым и 16-м пщэдджыжьым сыхьэти 6-м нэблэгъауэ мафIэ къыщIэнащ. МафIэсыр гъунэгъуу щыт адрей ухуэныгъэхэми нэсащ, абы метр зэбгъузэнатIэ мини 3-м щIигъу къызэщIиубыдащ. МафIэсым зыри хэкIуэдакъым, зыми фэбжь хихакъым.